ICGTraining app
16. janúar 2019Jón Ingi Sveinbjörnsson
ic8 app
Einfaldasta leiðin til að setja inn ftp gildi og aðrar upplýsingar sem þarf að setja inn í hjól fyrir æfingu er að vera með ICG appið sett upp á síma.
Niðurhal á appi
Forritið er til bæði fyrir Android og iOS og er hægt að sækja með því að smella á eftirfarandi takka
Stillingar á appi
Þegar forritið er ræst kemur upp eftirfarandi skjámynd (ATH Þessar myndir eru úr v1.3 útgáfu Android forritsins). Hægt er að velja æfingar og fleira þarna en í tímum hjá okkur notum við forritið eingöngu til að setja ftp gildi og álíka inn í hjólið.
Ef þetta er fyrsta skiptið sem þú ræsir forritið þá þarf að búa til notanda og setja svo inn stillingar fyrir hann. Smelltu á línurnar þrjár upp í vinsta horninu og veldu þar LOGIN. Ef þú átt nú þegar til ICG notanda þá slærðu inn notandanafn og lykilorð, ferð annars í SIGN UP niðri í hægra horninu.
Þegar búið er að skrá inn notanda (eða til að breyta stillingum, t.d. uppfæra ftp gildi) er aftur smellt á línurnar þrjár upp í vinstra horninu og þar er valið ACCOUNT og þar undir EDIT PERSONAL DETAILS
Hér erum við komin inn í stillingar og sláum inn það sem beðið er um, ftp og annað.
Þegar allar stillingar hafa verið slegnar inn er næsta skref að tengja sig við hjólið.